Mi tam takin Hongkong laka China-in thuneih a tumna leh China ruahmanna nia an ngaih thil tisuala puh te China-a thawn theihna tur dan hi dodalin mipui sang tel tam takin Hongkong ah hian lungawi lohna an lantir a, China Media te chuan mipuite hi ramdang ten an fuihpawrh niin an sawi thung a, lungawi lohna lantirtute hian kawtthler-a kawng zawhtute hi mi maktaduai 2 vel niin an sawi a, police te erawh chuan mi nuai 2 sing 4 vel an ni an ti thung. Lungawi lohna lantirtute chhut dan hi a dik zawk a nih chuan British in kum 1997-a China kuta Hongkong a hlan hnua lunawi lohna lantirna lian ber a tling dawn a ni.
Nimina lungawi lohna lantitu mipuite leh Police te an innawrnaah police leh chanchinbumi \henkhat hliam tuar an awm a, Nilainiah pawh lungawi lohna lantir leh turin ruahmanna siam a ni.
Hongkong hruaitu Carrie Lam hian Dan thar siam tur chuan Hongkong-in zalenna a neih mek engtizawng mahin a khawih dawn lo a ni a ti a, Dan thar hi China in a rawt ni lovin, thil awmdan enin siam ngei a \ul vang zawk a ni a ti a, a taka kalpui anih pawhin mihring dikna leh chanvo human rights chu vawnhim tlat a ni ang a ti.
Hongkong hi kum 1841 a\angin British colony pakhat a ni a, kum 1997 khan China kutah hlan a ni a, inrelbawlna dan hrang nei, mahni-a ro inrel thei tura dah a ni.
Tuna Dan thar siam tur hnuaiah hian China chuan pawikhawitua puhte Hongkong a\anga China-a thawn turin Hongkong hi a ngen thei dawn a, nikum February thla khan mipakhat kum 19 mi chuan a bialnu raipuar kum 20 mi chu Taiwan-a chawlh an hman laiin a that a, tualthattu hi Hongkong-ah a tlan chhia a, misual thawn let theihna tur inremna, Extradition treaty hi siam a nih loh avangin tualthattu hi China-ah thawn let theih a ni ta lo a, he thubuai avang hian tunah hian misual in thawn tawn theihna tur Dan hi siam tum a ni ta a ni.
