Union Cabinet chuan nimin khan he bill duan\hat chu a lo pawm tawh a, Home Minister Rajnath Singh chuan vawiin Lok Sabha rorel inkhawmah a pharh a ni. He bill putluh an duh lohna lantirin Congress leh TMC MP te chuan rorelna inkhawm an chhuahsan a ni. He dan thar hnuaiah hian Afghanistan, Bangladesh leh Pakistan a\anga India rama pemlut Hindu, Sikh, Buddhist, Jain, Parsi leh Christians te chuan India rama an luh a\anga kum 6 hnuah khua leh tui nihna an dil thei dawn a, Citizenship Act hmanlai ah chuan hei hi kum 12 a ni thung.
TMC hruaitu Saugata Roy chuan he bill in Muslim te a huam ve lo chu thil dik lo a ni tih sawiin, sakhaw thila inthliarna a ni a, ram danpui a kalh a ni a ti a, congress hruaitu Mallikarjun Kharge chuan bill chu select committee zirchian tura dah nawn leh a phut bawk.
