RTI Dan siam\hat tak ang hian sorkar chuan Chief Information Commissioner leh Commissioner dangte hlawh leh an hnathawh dan turah thuneihna a nei thei tawh dawn a ni.
The Right to Information (Amendment) Bill, 2019 hi Thawh\anni khan Lok Sabha-ah chuan pass a lo ni tawh a, Rajya Sabha-a chhawp chhuah anih hian eptu pawlten nasa takin an dodal a, bill hi zirchian leh phawt tura Select Committee kuta dah an ngiat a, bill hi pass pui duh lovin house an chhuahsan a ni.
Personnel and Training Minister Jitedra Singh chuan eptu pawlten dan dinglai chakna tih nep tuma puhna chu thudik lo nia sawiin, Chief Information Commission-in kalphung mumal zawk leh chak zawka hna a thawh theihna tur a ni a ti.
Congress hruaitu Jairam Ramesh chuan sorkar thil tih dan dik lo te leh zirna lama Prime Minister thiamna dik tak te hailan anih tak avanga RTI Dan hi siam danglam tumah sorkar a puh a, Pawisa not lian zual tih thih chhan leh a nghhawng te RTI hmanga pholan a nih avangin sorkar chu a lungawi lo niin a sawi.
