District Level-a hmasawnna tur atana ruahmanna, Planning siam dan tur chungchang inhrilhfiahna Sensitization Workshop on District Level Planning chu vawiin khan Lawngtlai Chanmari YLA Hall-ah neih a ni.

He Workshop hi Planning & Programme Implementation Deptt bul tuma neih a ni a, hetah hian thusawiin, Planning & Programme Implementation Deptt-a Principal Adviser Pu Saihlira chuan United Nations-in kum 2015 leh 2030 inkara hlenchhuah hman tura a duan Sustainable Development Goals 17 te tihlawhtling turin sorkar laipui leh State sorkar hrang hrangten \an an la a, India ram pum huapa he programme kalpui tur chu NITI Aayog a ni a, State hrang hrangah chuan Planning Deptt. chu a bul tumtu Nodal Deptt. niin a sawi a ni. He Workshop-ah hian Lai Autonomous District Council Chief Executive Member, Pu T. Zakunga pawhin thu sawiin, hmasawn tur chuan a hmasa-in hmalak dan tur chungchangah ruahmanna fel tak siam a ngai tih a tarlang a ni. He inkhawm hi Lawngtlai Bawrhsap, Pu N. Chakhaian a kaihruai a ni.