Right to Information Hapta chu vawiin khan District khawpui hrang hrangah pawh hman \an a ni a, Lawngtlaiah chuan Mizoram Information Commission leh I&PR Deptt. bul tumin DC Conference Hall-ah Lawngtlai Bawrhsap, Dr. Arun T-a’n a hawng a ni. Bawrhsap chuan RTI Act chu sorkarin mipuite tana hna a thawh dan leh mipuiten sorkar inrelbawlna an hriat theihna tur leh lang tlang taka thil tih theihna tur a ni tih sawiin, sorkar Department hrang hranga State Public Information Officer leh State Assistant Public Information Officer-te chu mipui a\anga zawhna an dawn ngai pawimawha \ha taka chhang turin a ngen a ni. Bawrhsap chuan RTI Week puala RTI hoarding, slogan inziahsiakna-a lawmman dawngtu Govt. Lawngtlai College-a zirlai, Thomas Rosangzuala hnenah lawmman, tangkafai Rs 2,000/- leh thuziak a hlan a, he inkhawm hi DIPRO, Pu C. Lalhruaitluanga’n a kaihruai a ni.
Serchhip-ah pawh RTI Week 2017 hi Additional DC, Pu Chuauhnuna’n DC Conference Hall-ah a hawng a, he dan hi sorkar hnathawh dan leh inrelbawlna langtlang theia siamna, zep ruk leh hlemhletna awm lova thil tih theihna tur niin a sawi. He inkhawmah hian Additional DC chuan RTI Hoarding Slogan inziah siaknaa lawmman dawngtu, Govt. Serchhip College-a zirlai Gospel Vanlalduhsaka chu lawmman tangkafai leh thuziak a hlan bawk. He inkhawm hi DIPRO, K. Saitluanga’n a kaihruai a ni.
