Siahaa kan Reporter hnen a\anga thu dawn danin Siaha khawpui leh District chhung khawpui lian dangah te Mara Students Organization leh MTP \angdun huaihawtin boycott a ni dawn a, a hmanna inkhawma kal tur te pawh dan an tum nia thudawn a ni. Hetiang bawk hian Lawngtlai khawpui leh District chhung khawpui dangah pawh Central Young Lai Association leh tlawmngai pawl lian dang bul tumin boycott tum a ni a, Central Young Lai Association chuan Republic Day lawmna inkhawm neih \hinna YLA Playground chu Republic Day lawmna atana hman an phal loh avangin DC Office tualah flag pawtpharhna leh a lawmna inkhawm neih tum niin Lawngtlaia kan Reporter Lalchharliana chuan a sawi a ni. Lunglei khawpui leh District chhung khaw dangah pawh NGO Coordination Committee hmalaknain Republic Day hi boycott tum a ni a, Lungleia a lawmna inkhawm lian ber |huamluaia muala neih tura tel tur te chu NGO Coordination Committee bul tumin zing dar 7 a\anga dan \an tum a ni. Tlabung leh khaw dangah pawh boycott turin tlawmngai pawl hrang hrangten hma an la mek a ni. Serchhip khawpui, Champhai, Kolasib leh Mamit khawpui leh District chhung khaw dangah pawh Republic Day lawmna hi NGO Coordination Committee duhdan anga boycott tum a ni a, hmun hrang hrang a\anga thudawn danin tlawmngai pawl member te chu a lawmna inkhawma tel tur dang turin zing a\angin an feh chhuak dawn a ni.
