Mamitah chuan a hranpaa inkhawm huaihawt lovin CEO SB Shashank chhuak tura phut nan total bandh zing dar 8 a\anga chhun dar 12:30 thleng khan neih a ni a, hemi chhung hian DC Office, Office dang leh zirna in te khar vek a ni.
Champhaiah chuan Keifangtlanga DC Office tual zawlah tukin dar 8 a\anga vawiin chawhnu dar 1 thleng khan mipui tam tak an pungkhawm a, hetah hian Sub Hqrs. YMA President, Pu VL Chama bakah MHIP, MUP leh tlawmngai pawl dang hruaituten thu an sawi a, inkhawm hi Sub Hqrs. YMA Vice President, Pu F. Lalrinawma’n a kaihruai a ni. Hnam hnatlang vawiina neih a nih avang hian Champhaiah sorkar pisa leh zirna in te bakah dawr zawng zawng khar vek a ni.
Serchhipah pawh IOC-a DC Office panna peng\huamah hnam hnatlang inkhawm hi neih a ni a, hetah hian Sub Hqrs. YMA leh tlawmngai pawl hrang hrang hruaituten thu an sawi a ni. Serchhipah pawh hian District Hqrs. danga tih ang bawkin sorkar pisa leh zirna in bakah dawrte khar vek a ni a, Election kaihhnawih thil reng reng khawih a ni lo bawk a ni.
Lungleiah chuan hnam hnatlang hi DC Office tualah tukin dar 8 a\anga vawiin tlai dar 3 thleng khan neih a ni a, inkhawmah hian Sub Hqrs. YMA President, Pu Lalrotluanga bakah tlawmngai pawl hruaitu dangten thu an sawi a ni. Lungleia kan Corr. sawi danin Lunglei District-ah hian Tripura Bru Relief Camp a\anga lo let chhungkaw \henkhat khaw hrang hranga dah tawh bak tunhnaia Electoral Roll-a thun thar tum an awm lo niin a sawi a ni.
Lawngtlaiah chuan hnam hnatlang neih ni lo mahse NGO Coordination Committee hmalakna an thlawp thu Central Young Lai Association chuan a sawi a, he lehkha hi Central YMA hnenah vawiin khan an thawn a ni. An thuchhuahah chuan NGO Coordination Committee huaihawta hnam hnatlang an thlawp thu te Mizote rapbet zawng leh hnuaichhiah zawnga thiltihna reng reng thleng tawh lo se an duh thu te leh CEO, Shashank-an a hekna avanga Home Secretary sawn a ni chu an hriatthiam loh thu an sawi bawk.
