Lungleiah chuan chhimlamah AOC Veng a\angin kawngzawh \an a ni a, hmar lamah Kikawn a\angin zawh \an a ni a, kawngzawhtute hi Venglaia Traffic Point bulah an intawkkhawma, hetah hian Lunglei Sub Hqrs. YMA President, Pu Lalrotluanga chuan thusawiin Chakma Autonomous District Council chu ramdang mi Mizorama lolutte dan dan lova din niin a sawia, Chakmate pun chhoh dan chu mihring inthlahchhawn dan pangngai aia nasa taka chak a ni tih sawiin hei hian ramdang mi Mizoramah an lo luh belh zel tih a entir niin a sawia, mikhual chamreite hian ram leilung fate tan harsatna hrang hrang an siam zingah Zirlai Technical Course zir duh tan pawh harsatna an siam niin a sawi bawk. Serchhipah chuan Leisekawt Field a\anga AOC kaltlangin Bazar thleng kawngzawh a ni a, Leisekawt Field-a inkhawmah Sub Hqrs. YMA Vice President, Pu Lalzuiliana’n thu a sawi a, a tawpna, bazara inkhawmah Sub Hqrs. YMA President, Pu R. Sanghmingthanga’n thu a sawi a ni. Thusawitute hian Chakma Autonomous District Council chu dan lova din, ramdang mi, Mizorama lo lut te humhalhna leh ham\hatna siamna niin an sawi a, ram leh hnam humhalhna atan \hiah a \ul niin an sawi a ni. Champhaiah chuan Kahrawt Veng Field a\anga zawh \an pawl leh Bethel kawn a\anga zawh \an pawlte chu Darthangvunga Point-ah an inhmukhawma, hetah hian Sub Hqrs. YMA President, Pu VL Chama Hnamte-in thu a sawi a, Mizoram leh hnam humhalh nan dan lova din CADC chu \hiah ngei \ul a tih thu a sawi a ni. Kolasib-ah pawh kawngzawh \an hma-in kawngzawhtute chu chhim lamah New Diakkawnah leh hmar lamah Bangla kawnah an inhmukhawm hmasaa, hemi hnu hian a huhovin Diakkawn panin an kal a, Diakkawna an intawhkhawmnaah Sub Hqrs. YMA President, Pu C. Liankunga leh Secy. Pu Thomas D. Lalengliana ten thu an sawi a ni. Mamitah chuan kawngzawhtu pungkhawmte chuan Charkawn a\anga Field Veng thleng kawng an zawh a, kawngzawh tawpnaah thusawiin Sub Hqrs. YMA President, Pu K. Eley Rosanga chuan thusawiin CADC chu dan lova din, Mizoram leh a chhunga chengte humhalhna tura \hiah ngai niin a sawi a ni. Mizorama District Hqrs. pahnih, Lawngtlai leh Siahaah erawh chuan CADC \hiah phutna kawngzawh hi neih a ni ve lo a ni. Sub Division khawpui hrang hrangah leh khawpui dangah te pawh YMA huaihawtin vawiin khan kawngzawh a ni a, Tlabungah chuan YMA Branch pathum ruahmanna siam angin Damdawi in kawn a\anga Bazar Veng thleng ruahsur hnuaiah kawngzawh a ni a, hetah hian Tlabung Branch Senior Adviser, Pu H. Thangliana chuan thusawiin Mizote hi ramdang mi Mizorama lo lut te lakah venhim a \ul thu te, dan lova din CADC chu \hiah \ul a tih thu te, ramdang mi lo lut zel tur pawh khauh taka ven \ul a tih thu a sawi bawk. Saitual Sub Division Hqrs.-ah pawh a chhehvela khaw hrang hrang a\anga YMA Member kalkhawmten kawng an zawh a, Saitual lam a\angin Saitual, Sihfa, Dilkhan, Tualbung, North Lungpher, Buhban leh Thanglailunga YMA Member te PWD kawnah an inhmukhawma, chhim lam a\angin Keifang, Rulchawm, Ruallung, Mualpheng, |awizo, Maite leh Lenchim Branch YMA Member te Keifang Dawrkawnah an inhmukhawma, heng mite hi Saitual SDO Civil Office kawtah an intawkkhawma, an President, Pu Ramchhuanmawia kaihhruaia inkhawmah Vice President, Pu C. Lalkima’n thusawiin CADC chu dan lova din a nih thu te, ram leh hnam humhalh nan \hiah thuai a ngaih thu te a sawi a ni. Lunglei District-a Zobawk khuaah pawh Group YMA huaihawtin Bangla kawn a\anga State of India Office kawt thleng mipuiten kawng an zawh a, hetah hian an President, Pu V. Lalrotluanga te, Vice President, Pu Ramthianghlima ten thu an sawi a ni.
