Vawiin Session ah ZPM member, Dr. Vanlalthlana zawhna leh zawh belhna dangte chhanga he thu hi sawiin, Pu R. Lalzirliana chuan, Chakma Autonomous District Council chauh ni lo Council dangah pawh sorkar hna lak dik lo hi tam tak a awm nia hriat a ni tih sawiin, hei hi thil \ha lo tak a nih avangin chhui chian a \ul tih a sawi.
Chakma Autonomous District Council-a ruat seat luah tur nimina puan a ni chu Election Model Code of Conduct bawhchhiatna a nih leh nih loh Congress Member, Pu Zodintluanga zawhna chhangin Pu R. Lalzirliana chuan, ruat seat luah turte hi Lok Sabha inthlanpui puan hmaa tihfel a nih tawh avangin dan bawhchhiatna a awm loh a beisei thu a sawi a. He thilah hian dan an bawhchhia a nih chuan hnuhkir a, a theih huna hriattirna thar chhuah leh mai a nih tur thu a sawi a ni.
District Council and Minority Affairs Minister chuan, Chakma Autonomous District Council-ah CAG Report chu an dawn a\anga Session hmasa berah pharh \hin a ni tih a sawi a. CADC-a CAG Report an pharh hnuhnun ber chu kum 2017 December ni 11 ah a ni a, hetah hian kum 2015-16 Report pharh niin, Report-ah hian Rs. vbch 1 leh nuai 2 hman dik lohna tarlan a ni a. Hei hi sawifiah tura tih an nih angin Accountant General Office leh Assembly Secretariat -ah an sawifiahna Report an thehlut tawh niin a sawi a. MNF sorkar hnuah Chakma Autonomous District Council huam chhungah dan lova khaw din a la awm lo niin Pu R. Lalzirliana chuan a sawi bawk.
