Vawiin assembly rorel inkhawmah ZPM member, Pu Vanlalhlana zawhna leh zawhbelhna dangte a chhannaah DM&R Minister chuan, khurel chhiatna thlen dan report hi Mamit District tih loh District dang zawng a\angin dawn vek a nih thu a sawi a, Aizawl District-a khaw 37 ah chenna in chhe vek 53 leh \henkhat chhia 177, Lunglei District-a khaw 41-ah chenna in chhe vek 6, chhe nasa 13 leh chhe nel nual 1,558, Siaha District-a khaw 30-ah chenna in chhe vek 11, chhe nasa 63 leh chhe nel nual 98, Champhai District-a khaw 14 ah chenna in chhe vek 9, chhe nasa 4 leh chhe nel nual 18, Kolasib District-a khaw 15 ah chenna in chhe vek 31, chhe nasa 99 leh chhe nel nual 164, Serchhip District-a khaw 12 ah chhenna in chhe vek 2, chhe nasa 5 leh chhe nel nual 28 leh Lawngtlai District-a khaw 42 ah chenna in chhe vek 26, chhe nasa 33 leh chhe nel nual 387 te a ni a, heng in chhiate hnenah Sorkar laipuiin inkaihhruaina dan a siam angin \anpuina pek theih a ni a, chungte chu chenna in chhe vekte hnenah Rs. nuai 1,90,000, zaa 50 aia tam chhiate hnenah Rs. 52,000 leh zaa 50 aia tlem chhiate hnenah Rs. 32,000 a ni a ti.
Pu Lalchamliana chuan, khuarel chhiatna thleng reng reng a tuartuten \anpuina an dawn theih nan an mahni bialtu VC emaw Disaster Management and Rehabilitation Directorate-ah emaw hriattir \hin tur a ni a ti a, VC zingah a ngaihna hriate chuan chhiatna an tawh chungchang hi an thlen nghal \hin a, chung mite chu dan dinglai anga \anpuina pek \hin an ni a, thuneitute hnena hriattir lote chu \anpui ngaihna an awm \hin lo tih a sawi.
DM&R Minister hian, Mizoramah District Level Disaster Management Committee din a la nih loh thu a sawi a. Hetihrual hian, sorkar laipui hmalakna hnuaiah chhiatna thlen thulha hmala thei turin khaw hrang hranga mi tlawmngaite Training pek an ni a, a thawh khatnaah Aizawl District chhunga mi 200 chu Training pek tawh an ni a, heng mite hnenah hian chhiatna thlen thulha hnathawhna tur Torch light, tuboh, hruizen leh hmanraw dangte pek nghal a ni a, hetiang bawk hian District danga mite pawh Training pek chhoh zel tum a ni, a ti.
Chhiatna thlen thulha hmalakna atan nikum khan Department chuan Mitigation Fund-ah Rs. nuai 996 a dil a, hei hi hmuh mai a nih loh hnuah kumin kumtir khan Rs. nuai 386 pekchhuah an ni a, hei hi an beisei aia nasa taka a tlem zawk avangin ruahmanna an lo siam tawh anga hmalak hleih theih loh a awm nual dawn a ni a ti bawk.
