MNF member, Aizawl North III bialtu MLA, Pu C. Lalmuanpuia zawhna chhangin Pu Lalchamliana chuan, hun engemaw chen kal tawh a\anga Hunthar venga leitlahniam \hin chu a ngawng a nat avangin sorkar chuan a ngai pawimawh hle tih a sawi a. Sorkar hmasa khan kum 2016-ah AIE Consultancy ruain DPR a siam tir a, khatih laia sorkar khan a bawhzui \ha vak lo nge pawm a ni ta mai lova, kumin kumtir lam khan Chief Minister, Pu Zoramthanga’n National Disaster Management Authority hotute hmuin, helai lei tlahniam chungchang hi a sawipui a, hemi bawhzui hian kar khat hnuah Sorkar hmasa-in DPR a siam enfiahtute chu NDMA hotuten Mizoramah lo tir nghalin a hmunah an enfiah a, hetah hian tun hmaa Project lo siam tawhte chu her rem hretin, DPR chu kumin May ni 2 khan pawm a ni ta a ni, a ti.
DM&R Minister chuan, DPR a tarlan danin Hunthar veng lei tlahniam siam nan hian Rs. vbch. 20 ruahman a nih thu leh hemi a\anga Rs. vbch. 15 chu Sorkar laipui tum tur, a bak Rs. vbch. 5 chu Mizoram sorkar tum ve tur a ni a ti a. Lei tlahniam vanga harsatna thleng \hin tihtawp vat a nih theih nan DM&R Commissioner kaihhruaina hnuaiah Core Committee din a ni a, tunah hian chirhdiak leh bawlhhlawh awmte thenfai a ni tawh a, fur a in\an chhoh mek avangin fur ruahtui tlain a tih min tawh loh nan Silpouline hmanga khuh mek a ni, a ti.
Zawhna dang chhangin Pu Lalchamliana chuan, Ngaizel, Durtlang leh Midumkhata kawng chhak lam a\anga lung tla \hin chu mipui himna atan a hlauhawm theih avangin lung tla veng tura hmalak tum a nih thu a sawi a. Ngaizel bik chu kumin March thla khan thuneituten a hmunah enfiah tawhin, lung tla venna tur ruahmanna DPR \ha tak siam mek a ni, a ti a. Nikum July ni 26 khan khatih laia Congress kaihhruai sorkar-in a zirchiangtu tur, Study Team a lo siam tawh a, an zirchianna a\angin hmun 7-ah lung tla mai thei a awm tih hmuhchhuah a ni a, Study Team-ah hian DC Office-a District Disaster Management lam leh a huam chhunga NGO-te telh an nih loh avangin tunah hian huam zau zawka Committee din tura hmalak mek a ni, a ti. Mizoram kham hlauhawm leh tuia tlak hlum hlauhawmna hmunahte DC Office lamin hmun hlauhawm chhinchhiahna tar thei se a duh tih DM&R Minister hian a sawi.
