Diocese Catholic |halai Pawl chuan kum 2018 Calendar an siam thar a, he calendar-ah hian Diocese Catholic |halai Pawl programme leh Bishop leh Puithiam thih champhate bakah DEXCO-in a rel Diocese Catholic |halai Pawl tana ni pawimawh ruat thar te dah tel a ni a, Parish tin te chu he calendar-a thil pawimawh leh ni pawimawh an tarlante lo bawhzui tura ngen an ni. He calendar-ah hian ni pawimawh leh hman a nih nachhan bakah a hman dan tur te tarlan a ni bawk. Tun thla ni 20, Ningani khan Kulikawna Christ the King Cathedral Hall-ah Cathedral Literature and Social Justice Committee ruahman angin Seminar neih a ni a, hetah hian thupui atan “Kohhran Pathian biakna atana Latin \awng ni lo \awng dang hman phal a nih dan leh \awng lehlin” tih hman a ni. He Seminar hi Pu Dominic Lalhmangaiha’n a kaihruai a. Hetah hian Pu Luke Sangkima’n Kohhran Pathian biak nan Latin \awng ni lo \awng dang hman phal a nih dan” chungchang a sawi a, tuna Mass Dan thar kan hman “The New Roman Missal” lehlinna tawng hmana a duhthusam lo lai leh siamthat ngai lai sawihova tih dik dan tur sawiho a ni bawk.
