Denmark-ah hian coronavirus leng chu chak takin an dova, March ni 12 a\ang khan inkharkhip an kalpui \an a, hetihlai hian Denmark \henawm ram Sweden chuan khauh zawka inkharkhip kalpui zel a la tum thung a ni.
Denmark chuan inkharkhip a thlahdul danah inkaihhruaina fel tak siamin company-a thawkte pawh inkaihhruaina dan chu zawm chunga an hna thawk leh tawh tura tih an ni a, inhnaih lova awm tur tih pawh zawm zel turin mipuite hriattir an ni.
Denmark Prime Minister, Mette Frederiksen chuan an ram inkharkhip chu \ula an hriat tawh loh thu a sawi a, hetihrual hian hri leng laka an inven fimkhur lehzual a ngaih vangin inkharkhip chu zawi muanga a tahtawla thlahdul zel a ni ang tih a sawi.
