Thawhlehni tlai khan Police te chuan kum 25 mi, Kapil hian AAP member a ni tih a inpuang tih an sawi a, police te chuan Kapil-a phone-a thlalak nia an sawi an phochhuak bawk a, he thlalakah hian Kapil hi AAP lukhum khumin, AAP hruaitu Sanjay Singh leh Atishi te bulah a ding a ni.
Hetihlai hian Kapil-a pa leh a unaupa chuan Delhi-a rorel lai party te nen inzawmna an nei lo tih sawiin Lok Sabha inthlanna neih dawn khan campaign-in an khua an tlawh a, AAP lukhum an ken chu khumin thla an la sathliah niin a sawi bawk. He thu a sawi hnu lawk hian a fapa, Kapil chu Modi leh Amit Shah te thlawpa zuitu a ni thu a sawi leh a, chumi hnuah a fapa chuan politics-ah inrawlhna a nei lo tih a sawi zui bawk.
Hetihlai hian AAP hruaitu Sanjay Singh chuan police te chu Home Minister Amit Shah-a thupek angin an che tih a sawi ve thung.
Delhi Chief Minister, Arvind Kejriwal chuan Amit Shah chu phiarrukna hmanga police te vehthlemah a puh a, BJP chu Delhi-a dan leh hraite hmanga politics bawlhhlawh tak khelah a puh bawk.
