Delhi judge-in Bhim Army Chief Chandrashekhar Azad bail-a chhuah a phalsak hnuah Rabindranath Tagore-a’n hlauhna tel lo ngaihdan tlang tak neih a pawimawh thu a sawi chu sawi chhuakin Delhi judge chuan khualehtui tute pawhin remna leh muanna hnuaia lungawi lohna an lantir chu thil thiang a ni a ti a, chu chu state sorkarin a a ngaih theih loh chhan tur a awm lo niin a sawi bawk.

Bhim Army chief Chandrashekhar Azad hi Judge chuan kar li chhung Delhi pawn lama awm rih turin a ti a ni.

Bhim Army chief hi Delhi-a Jama Masjid quarters hluiah lungawi lohna a lantir vangin nikum December ni 21 khan man a ni a, kangmei tichhuaktuah te, intihbuaina leh tharum thawha buaina chawk chhuaktuah puh niin thubuai siamsak a ni.

Hetihlai hian Additional session Judge Kamini Lau pawhin ram danpuiin remna leh muanna hnuaia lungawi lohna lantir leh kawngzawh te chu a phal vek tih a sawi bawk.