Chief Minister chungchanga thu dik lo leh ti hminghliau thei thil social media-a post-a puh vang hian mi 5 man an ni tawh a, Kanojia-a nupui, Jagisha Arora hian police ten a pasal an man danah dan an zawm lo nia sawiin, chhuah turin Supreme Court ah ngenna a thlen a, a ukil Shadan Farasat chuan Kanojia laka FIR thehluh chu a dik lo tih sawiin, man phalna warrant pawh nei lovin Police ten an man niin a sawi a, intih hmingchhiat thubuaiah FIR thehluh ngai a ni lo a, police te ni lovin Magistrate ten an ngaihtuah nghal mai zawk tur a ni a ti a, Kanojia puhna thubuai FIR-a ziah lan te pawh bail nghal theihna thubuai a ni a ti.
Supreme Court hian naktuk lamah thubuai hi a ngaihtuah dawn a, Police ten mi 5 an man thu hian inhnialna a chawk chhuak nasa hle a ni. Yogi Adityanath-a office pawna hmeichhe pakhatin innei tura Chief Minister a sawm lai video pakhat chu Freelance Journalist Kanojia hian Twitter leh facebook-ah te a post avangin man a ni.
