Tharum thawha buaina chhuakah hian lirthei leh dawrte hal a ni a, an thil halte \helh tura kal kang\helh pawl zinga mi 3 an inhliam tel a ni.
He thil thleng chungchang hi Union Home Minister Amit Shah hovin Delhi CM Arvind Kejriwal, Lt. Governor leh political party hrang hrang hruaituten an sawiho a ni.
Delhi CM Arvind Kejriwal chuan buaina chhuahna hmunah hian MLA leh thuneitute a koh a, Delhi hmun \henkhata buaina a chhuak \hin chu pawi a tih thu sawiin, Delhi khawpuiah remna leh muanna a awm theih nan a chhunga chengten inlungrualna \ha tak an neih a \ul a ni a ti a, mipuite tharum thawha buaina chawkchhuak lo turin a ngen a ni. Kejriwal chuan Police ten an pute thu an hmuh loh vangin heng buaina te hi an chingfel ngam lo nia sawiin, Home Minister hnenah thlen a tum tih a sawi bawk.
Hemi hnu hian Amit Shah chuan Delhi Police hotute, Union Home Secretary leh officer dangte chu buaina chhuak chinfel dan tur leh remna leh muanna a awm theih nana hnathawh dan tur a sawipui a ni.
