Delhi High Court chuan vawiin khan CBI Special Director hlui, Rakesh Asthana-a’n thamna pawisa a lak leh lak loh chungchang thubuai chui chiang turin thla li CBI hun a pe.

Puan tawh angin CBI chuan he thubuai chhui chiang tur hian hun tam zawk pek belh turin Delhi High Court hi a dil a, he thubuai titawp tura Asthana-a’n a dil pawh January thla khan a lo hnawl tawh bawk a ni. Puan tawh angin Asthana hian CBI chhui lai, Devendra Kumar leh a thurualpui, Manoj Prasad te kut a\angin cheng vbc 2 thamna dawngah puh a ni a, hei hi Hyderabad mi sumdawng, Sathish Babu Sana puhna thubuai titawp tura inthamna nia sawi a ni.