Kejriwal chuan tun \uma thisen var hmanga enkawlte hi coronavirus kai mi 4 an ni tih a sawi a, Lok Nayak Jai Prakash Narayan Hosiptal-ah enkawl mek an ni a, enchhinna an neih tawh chin chu a phurawm hle tih a sawi a, coronavirus tihdamna tak tak erawh a la ni ri lo tih hriat a \ul a ni a ti. Plasma therapy hmanga an enkawl mi 4 zinga mi 2 te chuan damdawi in an chhuahsan thei \ep tawh tih Kejriwal hian a sawi a, pakhat zawk chu enkawl hmaa a dinhmun tha lo taka ding hman a ni a ti.
Kejriwal hian plasma therapy enchhinna chu a hlawhtlin zel chuan sorkar laipui hnenah damlo na zawkte enkawl nan hman phalna dil a ni ang tih a sawi.
Thisen var, Plasma therapy hi coronavirus lo kai tawh, damkawr a\anga thisen var lak chhuah, damlo na tak hnena pek chhawn a ni a, damkawr thisenah chuan virus dotu antibodies a tam vangin chu thisen var chuan damlo na takte chu an dam khawchhuah nan a puih theih rin a ni.
Institute of Liver and Biliary Science Director, SK Sarin chuan plasma therapy enchhinna damlo palite result chu a lawmawm lam a ni a ti a, LNJP damdawi inah damlo dang enkawlna tur thisen leh thisen var an peihfel leh tawh tih a sawi a, coronavirus kai enkawl dam tawh ten an thisen var an pek theih chuan damlo dangte enkawl kawngah hma an la chhunzawm zel thei dawn tih a sawi.
