Kejriwal chuan Lieutenant Governor thupek siam chungchang sawiin, coronavirus a len chhunga a kaihhruai sorkar hmalakna chu Governor chuan thiatin thupek dang a chhuah tih a sawi a, tun hun hi inrem loh hun a nih loh avangin Governor thupek chu zawm ngei a tul tih a sawi.
Aam Aadmi Party sorkarin Central sorkar enkawl tih loh damdawiin dangte, Delhi-a cheng mipuite tana a hauhsakna chu Lieutenant Governor, Anil Baijal chuan a cancel a ni.
Governor chuan Covid-19 kai, an taksaa natna lang chhuak te, natna lang chhuak lova hri kaite leh hri kaite nena inkungkaihna neite test turin thupek a siam bawk a ni.
Kejriwal chuan Delhi inthlanpuiah seat 62 an la a, heti chung hian sorkar laipuiin thutlukna an siamte a hnawl sak a ni a ti a, central sorkar emaw Governor-in emaw thupek a siamte chu zawm a ni ang a, inrem loh hun a nih loh avangin inhnialna tur a awm lo a ni a ti. Kejriwal hian Coronavirus darh zel dan enin, July thlaaah chuan Damdawiin khum indaih lohna nasa tak at hleng thei dawn tih a sawi a, Delhi sorkar chhut lawk danin June ni 15 ah chuan hri leng kai hi 44,000 a kai chho ang a, June ni 30 ahj chuan nuai khat, Juley ni 15 ah chuan nuai 2 sing 2 sang 5 leh July ni 31 ah chuan Nuai 5 sing 5 kai chho thei tura hmuh lawk a ni.
