Delhi Aman Vihar hmuna cheng hmeichhe tleirawl kum 16 miin cheng nuai 5 an dawn hnuah amah pawngsualtu mi 2 te himna tura Court-a a thusawi thlak turin a nu leh pa ten an nawr lui niin a sawi

Delhi Aman Vihar hmuna cheng hmeichhe tleirawl kum 16 miin cheng nuai 5 an dawn hnuah amah pawngsualtu mi 2 te himna tura Court-a a thusawi thlak turin a nu leh pa ten an nawr lui niin a sawi. He hmeichia hian Police te a hrilh danin amah pawngsualtute hian a nu leh pa chu cheng nuai 5 an pek hnuah court-a a thusawi thlak turin an nawr lui a ni. A thusawi bawhzui hian Police te chuan a nu hi an man nghal a, a pa chu a tlan bo nghal vangin tunah hian man tumin an umzui mek a ni. Anu hi Jail ah dah nghal a ni a, he hmeichhe tleirawl hian a nu leh pa te hian a thusawi thlak tur hian a tirah chuan an thlem tih a sawi a, a duh loh avangin kut an thlak tih a sawi bawk. He hmeichhe tleirawl kum 16 mi hi nikum August thla khan a bo a, a nu leh pa hian Police te hnenah an hriattir nghal a, hapa khat liam hnuah an in ah haw lehin, Police te hnenah hian mi pahnihin an hrenbeh thu leh an pawngsual thu a hrilh a ni.