He tleirawl hian Delhi chhim lam Malviya Nagar-ah Pizza a dah a, hemi hnu hian damlo zuiin, RML damdawi inah dahluh nghal a ni.
Ni 15 kalta chhung khan Hauz Khas, Malviya Nagar leh Savitri Nagar-a chhungkaw 72 te Pizza order chu an in \heuhah a dahsak a, heng chhungkua te hi enthlak mek an ni tih district collector BM Mishra chuan a sawi.
He rawlthar nena inkungkaihnanei, a hnathawh ang thawk, rawlthar rual 20 aia tam te pawh Chhatarpur-a in khung hranna hmunah enthlak tura dah an ni bawk.
Inkharkhip lai a nih avangin chhungkaw tam zawk chuan eitur siamsa chah an uar hle a, rawlthar mi ina pizza dah kuala hnathawk hian coronavirus a kai tih hriat a nih hnuah a thawhna restaurant leh branch dang 14 te chu khar nghal a ni.
He tleirawl hi ram dang emaw, ram chhung emawah pawh khawiah mah a zin chhuah loh avangin pizza a dahna in khawi emaw bera Covid-19 kai hnen a\angin a kai chhawng a nih an rin thu thuneitute chuan an sawi.
