Congress hruaitu, Adhir Ranjan Chowdhury leh BJP hruaitu, Meenakshi Lekhi te chuan tunhnaia Delhi hmun \henkhata dan leh thupek kenkawh dan Lok Sabha inkhawmah an sawi chhuak a, Budget session neih \an ni tun thla ni 2 khan eptu pawlten Delhi buaina chungchang hi Lok Sabha-a sawiho an lo phut tawh a, kha an thil phut vang khan Parliament inkhawm pawh a lo buai phah tawh a ni.
Aam Aadmi Party MP Sanjay Singh chuan Rajya Sabha inkhawmah Yes Bank buaina chungchanga zawhna leh chhanna hunah a sawi chhuak a, Sanjay Singh chuan Yes Bank harsatna tawh mek dan chu BJP rorel dan nen tehkhinin bank neitu chuan mi tupawh a rawk thei a, pistol neih chuan bank a rawk theih a, bank nei chuan mi tupawh a rawk theih a ni a ti a, Yes Bank chu BJP sum chheprelhna a ni a ti bawk.
Kar kalta khan Central bank chuan India rama mimal bank lian ber te zinga pali-na, Yes Bank board of directors te chu a chawlh lailawk tir a, April ni 3 thleng Yes Bank account holder te pawisa lak chhuah theih zat a bithliah sak bawk a ni.
