Delhi, Gurgaon leh Noida ah te chuan zirna in leh sorkar pisa-a kai tur mi tam takin harsatna an tawh phah a, truck, bus, auto leh taxi neitu leh khalhtute intelkhawmna pawl hrang hrang 41 in lungawi lohna hi an lantir a, Motor Vehicle Act siam\hat hnuaia lirthei dan bawhchhiate pawisa chawi tur tih pun chu an duh lo a ni.
Lungawi lohna lantirtute hian khawlaia taxi leh rickshaw tlan turte dangin hmun \henkhatah chuan tharum thawhna tenau a chhuak a, zirna in \henkhat chu khar a ni.
Motor Vehicle (Amendment) Act, September ni 1 a\anga hman \an takah traffic dan bawhchhia te hremna chi hrang hrang chu tih pun a ni a, a langsar zual zingah seat belt hreng lova motor khalh hremna cheng 100 ni \hin chu cheng sang 1 ah tihpun a ni a, lirthei khalh laia mobile phone hman avanga hremna pek theih chu cheng sang 1 a\anga sang 5 thleng a ni a, zurui chunga motor khalh hremna pawh cheng 2000 a\angin 10,000 ah tihpun a ni.
