Fimkhur tura mipuite hriattirn an nih tawh hnuah Muslim te punkhawmna hi March ni 8 leh ni 10 chhung khan Markaz Nizamuddin ah neih a ni a, hei hi Delhi-a Tablighi Jammat hmunpui a ni. Pungkhawmte zingah hian Malaysia leh Indonesia a\ang pawhin an tel a ni.
An zinga tam tak hi Nizamuddin building ah hian an chambang zui a, punkhawmnaa tel ve midang tam tak chu ram chhung hmun hrang hrangah an vak darh leh tawh bawk a, an chetvelna hi rampum huapa chhui chian zel a ni.
March ni 28-a lehkha a tih chhuahah Home Ministry chuan punkhawmnaa tel ramdangmi zawng zawngte chu an dinhmun enfiah tur leh sorkara hriattir turin thupek a ti chhuak a. Coronavirus kai ni thei awm te chu khung hrang tur leh a kai lo te pawh an rama thawn haw nghal turin Home Ministry hian thupek a ti chhuak a ni.
Home Ministry chhin chhiah dan chuan ramdang mi 2,100 vel chu January ni khat hnuah khan Tablighi Jamaat thil tihna hrang hranga tel turin India-ah an lo lut a, an zinga \hahnem takin coronavirus hi an kai tih finfiah a ni tawh a ni.
