Delhi-a kum 23 mi hmeichhia, Nirbhaya tia vuah rawng taka pawngsuala that zuitu, thiam loh chantir tawh mi 4 te chu March ni 3 zing dar 6-a khaihlum turin an chungthu rel leh a ni.

Tun hi court in heng mi te khaihlum tura thupek a siam vawi 3-na a ni tawh a, thupek hmasa pahnihte chu a taka kenkawh a nih hmain pawngsualtute hian dan hnuaiah pehhelna chi hrang hrang an zawn kual avangin a taka tihpuitlin a ni lo a ni. Tihar Jail thuneitute chuan heng thiam loh chantir tawh, pawngsualtute hian dan hnuaia hmalak theihna an neih zawng zawng an beidawng kim tawh tih court an hriattir a, hemi hnu hian Court chuan khai hlum hun tur, March ni 3 hi a ruat fel leh ta a ni.