Pu. C. Lalrinsanga hian Agriculture, Cooperation and Farmers’ Welfare Secretary, Pu Sanjay Agarwal nen hmuin, Agriculture leh Cooperation lama Mizoram sorkar hmachhawp, harsatna leh mamawhte chipchiar takin a sawipui a. Pu Agarwal hian Agriculture leh a kaihhnawih lama hmarchhak bialte tan sorkar laipui chu zau takin a inhawng tih lo hrilhin, tuna Agriculture and Allied Sector-a Mizorama scheme hrang hrang kalpui meka sum pek tawhe chu a rang thei ang bera hmang tur leh an sum hmanna, Ultilization Certificaye mumal tak nena report thehlut vat tura beisei an nih thu leh sum hman chak a nih chuan instalment lo kal leh tur rang taka pek theih a nih tur thu a lo hrilh a. Central Sector Scheme leh Centrally Sponsored Scheme hnuaiah Mizoram tan Additional-a Growth Budgetary Support (GBS) hman tangkai a nih thu a lo hrilh a ni.
Pu C. Lalrinsanga hian Oil Palm chingtute tana Minimum Support Price sang zawk Mizoramin a mamawh thu pawh sawiin, hemi kawngah hian hmalakpui turin Agriculture, Cooperation and Farmers’ Welfare Secretary chu a ngen a. Pu Agarwal chuan Union Agriculture Minister, Pu Narendra Singh Tomar zin a lo haw veleh a lo sawipui nghal tur thu Minister chu a hrilh bawk. Agriculture Minister, Pu C. Lalrinsanga hian naktukah sorkar laipui hotute a dawr chhunzawm dawn a ni.
