He video thlalak nasa taka darh lang, hliam zinga pakhat kum 23 mi chu a hliam tuar lovin a hnuah a thi zui a ni. He tlangval Faizan-a hi Delhi hmarchhak Kardampuri-a cheng a ni a, helai bial hi in tual vuakna thlenna hmunpui ber a ni. Ni li chhung tharum thawhna thlengah hian mi 42 in nunna an chan a, mi tam tak an hliam a, Faizana hi Ningani khan a hliam tuar lovin a thi a ni.
Video hi website pakhat AltNews in video dik a ni tih a finfiah a, video-a alan danin mi panga hliam na tak tuar te chu tual charah an mu a, hnam hla, National Anthem sak luihtir an ni a, an velah hian thuam famkim inbel police te an lang bawk a, police zinga pakhat chuan a tiang ken chu hliam tuarte lamah lekin, zai \ha turin a vau bawk a ni.
Faizan-a hi Delhi Guru Teg Bahadur Hospital-ah a thi a, a chhungte chuan Faizana leh a bula hliam dangte hi police te hian manin an nghaisa niin an sawi.
