Pulwama-a firfiaka chetna thlen hnuah Dehradunah hian Kashmir zirlaite duh lohna lantir an awm ta nual a, Uttaranchal College of Science and Technology kawtah zirlai \henkhat chu Kashmir zirlai te hnawh chhuah phuta an aurual avangin zirlai 22 man an nih thu Senior Superintendent of Police Nivedita Kukreti chuan a sawi. Heng zirlaite nawrna avang hian zirna in pahnih Alpine College of Management and Technology leh Baba Farid Institute of Technology te chuan kum thar-ah chuan Kashmir mi zirlai an lakluh tawh loh tur thu an puang hial a ni.
Jammu leh Kashmir sorkar chuan an zirlaite him nan, buaina an tawha an biak theih tur helpline siamin an mahni enkawltu tur bik officer te a ruat a, sorkar thupuangtu chuan Baba Farid Institute of Tech, Alpine Institute, Dolphin Institute leh SBS Medical College-a zirlai engemawzatin buaina an tawh thu an sawi.
Inspector General of Police Ajay Rautela chuan chuan Jammu leh Kashmir-a zirlai te chu \ha taka venhim an nih thu sawiin an ngaituahawm loh thu a sawi a, police te chuan Kashmir zirlai tam zawk chenna, Premnagar bial chu khauh takin an veng a ni a ti. Hetihlai hian Sridev Suman Subharti University-a Kashmir zirlai pakhat chu WhatsApp hmanga mifirfiak te chetdanah a fak thu a \hiante hnena a thawn avangin man a ni a, JNU zirlai Shehla Rashih-i’n Twitter-a hmeichhe zirlai engemawzat mipui pungkhawmin an hostel bulah an dang nia a sawi chu dawt a ni tih finfiah a nih hnuah a lakah thubuai an ziak lut bawk a ni.
Dehradun-a Kashmir zirlai engemawzat chu Delhi-a Chanakyapuri J&K House-ah awmtir an ni a, Sailakui a\angin zirlai 100 vel Rampur-ah an thleng khawm bawk.
