Police hotute chuan, hunpui vuakvetah boruak muanawm tak hnuaia mipuiten hun an hman theih nan YMA, Excise leh Police \ang ho chu December ni 21 a\ang khan Aizawl khawpui chhung hmun remchang laia Check Post 9 siamah a huhovin an duty a, hei bakah hian Aizawl khawpui chhunga Police Station 4 – Aizawl PS, Bawngkawn, Kulikawn leh Vaivakawn Police Station-a mite chuan chhun zan zawmin nitin Mobile Patroling an nei \hin tih an sawi a, hei hian boruak a tinuam zual nia an hriat thu an sawi bawk.
Hunpui vuakvetah Mizoram chhung hmun hrang hrangah dan bawhchhiatna lian tham thleng hriat tur a awm lo chu thil lawmawm tak a ni an ti bawk. Police hotute chuan, kumhlui thlah zan khan Aizawl khawpui chhung bikah zuruih vanga man mi 4/5 an awm tih loh chu buaina siam dang an awm lo niin an sawi a, khawlaia leng pawh an tam lova, veng \henkhat kawn cheina hmun leh eitur zawrhna hmunte a lun deuh tih loh chu khawpui chhungah pawh veivak an awm mang lo niin an sawi.
Kumhlui thah zan khan Traffic Police-te pawh Aizawl khawpui chhung hmun pawimawh zual laiah harsatna thleng thei vengin an duty-a, heng hmun hrang hrangah hian harsatna thleng a awm lo tih sawiin, Traffic Police hotute chuan, kumhlui thlah zan bikah khan lirthei dan bawhchhia two wheeler 8, LMV 2 leh HMV 2 man an ni a, heng mite pawisa chawi chu a vaiin Rs. 2,400/- a ni tih sawiin, kum dangah chuan kumhlui thlan zanah hian mipui vakchhuak an tam \hin a, tun \umah erawh mipui veivak hi hmuh tur an awm mang lo niin an sawi. Traffic Police hotute chuan, urlawk zanah pawh khan kawng peng\huam pawimawh zual laiah Traffic Duty hi dah an ni tawh tih sawiin, hei hian chetsualna thleng tur nasa taka a tihtlem phah nia an hriat thu an sawi a ni.
