Police hotute chuan, hunpui vuakvetah boruak muanawm tak hnuaia mipuiten hun an hman theih nan YMA nen \ang dunin December ni 20 a\ang khan Aizawl khawpui chhung hmun remchang laia Check Post 9 siamah a huhovin an duty a, hei bakah hian Aizawl khawpui chhunga Police Station 4 – Aizawl PS, Bawngkawn, Kulikawn leh Vaivakawn Police Station-a mite chuan chhun zan zawmin ni tin Mobile Patroling an nei \hin tih sawiin, hei hian boruak a tinuam zual nia an hriat thu an sawi a. Hunpui vuakvetah Mizoram chhung hmun hrang hrangah chetsualna thleng bawk mah se, dan bawhchhiatna lian tham thleng hriat tur a awm lo chu thil lawmawm tak a ni, an ti. Police hotute chuan, kumhlui thlah zan khan Aizawl khawpui chhung bikah buaina tenau chhuak awm mah se, harsatna dang thleng a awm lo niin an sawi a, khawlaia leng chhuak pawh an tam lutuk lova, veng \henkhat kawn cheina hmun leh eitur zawrhna hmunte a lun deuh tih loh chu khawpui chhungah pawh veivak an tam lutuk lo tih an sawi.
Kum hlui thlah zanah khan Traffic Police-te pawh Aizawl khawpui chhung hmun pawimawh zual laiah harsatna thleng thei vengin an duty-a, heng hmun hrang hrangah hian harsatna thleng a awm lo tih sawiin, Traffic hotute chuan, kumhlui thlah zan bikah khan lirthei dan bawhchhia tlem a zawng an man a, kum dangah chuan kumhlui thlan zanah hian mipui vakchhuak an tam \hin a, tun \umah erawh mipui veivak hi an tam lutuk lo tih an sawi. Traffic hotute chuan, urlawk zanah pawh khan kawng peng\huam pawimawh zual laiah Traffic Duty hi dah an ni tawh tih sawiin, hei hian chetsualna thleng tur nasa taka a tihtlem phah nia an hriat thu an sawi a ni.
