December ni 15-ah Parliament thlasik thutkhawm tan dawn

Gujarat Assembly inthlana vote thlak zawk t<kah Parliament thlasik \hutkhawm \an a ni dawn. Vawiina \hu khawm, Cabinet Committee on Parliamentary Affairs (CCPA), Union home minister, Rajnath Singh-a kaihhruaiin hei hi a tifel a, December ni 15-ah session hi \an a ni ang a, kum thar January ni 5 thleng a awh dawn niin Parliamentary Affairs Minister, Ananth Kumar-a’n a sawi. CCPA rawtna hi President pawm atan thawn a ni ang a, chumi hnuah hriattirna chhuah a ni dawn a ni. Gujarat Assembly inthlana vote thlak zawk t<ka Parliament thlasik \hutkhawm \an tum a nih chungchangah hian Pu Ananth Kumar-a chuan, sorkar hmasa lamah pawh khan hetiang hi a lo awm fo tawh niin a sawi a, state \henkhata inthlan laia Parliament session neih chu rem lohna a awm avangin Congress rorel lai, Indira Gandhi, P V Narsimha Rao leh Manmohan Singh-a te hunah pawh khan siam rem a ni tawh \hin niin a sawi a, kum 2011-ah pawh khan UPA rorel laiin state 5-a Assembly inthlan nen a insut dawn avangin Parliament budget session hun siam rem a ni a, kum 2008-ah pawh UPA sorkar hmasa-ah khan state 5-ah Assembly inthlan a awm avangin Parliament session chu a laklawh a chawlhsan a, inthlan zawhah chhunzawm leh a lo ni tawh bawk niin a sawi. January ni 1, kum thar ni-ah session-a tel turin MP-te an kal thei ang em tih zawhna chhangin Minister chuan, session ni-ah chuan MP-te hi tel tura beisei an nih thu a sawi a, he session-ah hian ni 14 an \hu khawm dawn niin a sawi bawk.