Lei enfiahtu group YMA pahnih hruaitute chuan, lei zapui thir auh lai char zawm dan chu tha tawk loa an hriat thu sawiin, tun aia tha leh tlo zawk tura a rang thei ang bera welding \hat \ul an tih thu an sawi a, hei bakah hian lei lai takah a hnuai lam atanga do an duh thu an sawi a, an beisei hi a hlawhtlin loh chuan thil \ul leh pawimawh ti tura he lei kan tur Sorkar official-te dan an tum thu an sawi.
Lungsen group leh Khawthlangtuipui group YMA hruaitute chuan, inkalpawhna lei siam a nih chhunga a helna kawng pawh a rang thei ang bera siam an duh thu an sawi a, kumin January thla chhung ngeia lei helna siam a nih loh chuan, group YMA pahnih huamchhunga mipuiten hnatlanga an siam mai tur thu an sawi.
Phairuangkai lei hi kum 1979-a hawn tawh a ni a, kum liam ta December ni 24 khan a zapui auh avangin lirthei zawh theih loh tura hun eng emaw chen khar lailawk a ni a, tun dinhmunah lirthei lian vak loin zawh thei mah se, lirthei lian deuh te chu he lei an zawh hmain an bungraw phurh hlan thlaktir phawt \hin an ni.
