Darlawn District Demand Committee chuan an thil phut nawr zui nan vawiin khan Darlawn khaw chhungah kawng an zawh. District Demand Committee ruahman angin Helipad bul a\anga \anin Venghlun khelmual thleng mi 3,000 velin kawng an zawha, kawng zawhtute hi District Demand Comittee Adviser, Pu C. Lalchawimawia’n a kaihhruaia, an zingah hian an khaw \henawm, Ratu, Sailutar, Sawleng leh Kepran mite pawh an tel a ni. Kawng zawhtute hian resolution 3 an pass a, chungte chu Darlawn tlangdunga miten hmasawnna rahbi thar an chuan kai theih nan District thar sorkarin min pe rawh se tih te, an awmna tlangdung chu State pahnih, Assam leh Manipur nena inri a nih avangin mipuite him nan District thar siama venhimna lam \ha zawka siam \ul an tih thu te leh an Demand Area chhunga khaw 41 awmte chu District danga beh duh lo, an thil ngiat, Darlawn District-a beh duh an ni tih te leh an thilphut hi kumina Mizoram Assembly inthlanna neih tur atana Model Code of Conduct hman a nih hma ngeiin Darlawn District thar siam an phut tel a ni. An resolution siam hi Mizoram sorkara thehluh zui atan Darlawn BDO, Pu H. Zonunmawia kutah an hlan a ni.
