Dan phal loh anga lungalhthei khur laih \hin titawp tura Meghalaya sorkar-in hma a lak chak tawh loh avangin National Green Tribunal-in cheng vbc 100 chawi turin a ti a, thla hnih chhungin pawisa hi Central Pollution Control Board-ah thehlut turin a ti bawk.

Puan tawh angin thla hmasa ni 13 khan East Jaintia Hills-ah lungalhthei khur chu tuiin a chîm a, insaseng hman lo hnathawk mi 15 an tang a, tun thlengin chhanchhuah an la ni lo a, tui paih chhuah tuma an beihna zawng zawng chu a la hlawhchham zel a ni. He thil thleng vang hian National Green Tribunal chuan Meghalaya sorkar chu thil awm dan a zawt fiah a, ukil Raj Panjawani chuan state chhunga lungalhthei khur tam zawk chu dan phal loha laih a nih thu state sorkar hian a nemnghet tawh niin a sawi a ni.