Court-in thiam loh a chan tir tak Malsawmdawngkima kut a\ang hioan kum 2014 November ni 27 khan Champhai Excise & Narcotics staff-ten Zokhawthar road-a Hringlangtlang penga Zokhawthar a\angin Champhai pana kal mini-Bus an endiknaah a \hutna hnuaia a bag dah a\angin Heroin hawng 10 an man a. Heng Heroin te hi Excise duty ten man nghalin, a neitua puh Malsawmdawngkima pawh man nghal a ni. Excise hotuten an dawpnaah Malsawmdawngkima hian Heroin te chu ama ta ni lovin a Pizawnin Zokhawthar a\anga lei tura a tirh anga lei a nih thu a sawi a. Thubuai hi ngun zawka chhui a nih hnuah phalna nei lova ruihhlo kawl chu ND&PS Act bawhchhiatna a nih avang leh dan anga hrem theih a nih avangin Excise Dept. chuan he thubuai an chhui chianna report kimchang chu court-ah an thehlut a. Thuhretu hrang hrangte thu sawi leh Forensic Science Laboratory report zirchian a nih hnuah Champhai Special Court chuan thutlukna siamin, damdawi neitu puh Malsawmdawngkima chu thiam loh a chantir a, kum 8 chhung hrehawm taka lung in tang tur leh cheng 50,000 chawi turin a ti a, a pawisa chawi tur hi a pe thei lo a nih chuan thla 6 dang a tan belh a ngai dawn a ni.
