Dampa Bialtu MLA, Pu Lalrobiaka chuan Dampa bial chhunga khaw hrang hrang a fang mek. Nimin khan West Phailenga KTP General Conference March ni 1 atanga neihna tur pandal sak lai a tlawh a, West Phaileng Dinthar kawna amah lawmna inkhawmah thu sawiin West Phailenga tui harsatna chu sutkian tawh niin a sawi a, damdawi in sak hna pawh thawh mek a ni tih sawiin, he damdawi in hi changtlung taka siam tum niin a sawi a ni.
