Vawiina Upper Republic-a an Party chhung inkhawmah thu sawiin Pu Lalrinzuala Chawngthu chuan, helai kawng hi ‘Strengthening and Rehabilitation of W Phaileng to Marpara road (SH: Pavement works)’ tih vuahin kum 2011-15 khan siam a ni tih a sawi a, heti chung hian helai kawng zaa 50 vel chu a chhe hle a, Dampa bal \halai pawl hruaituten 2014 chho khan a hmunah kalin an zuk en tawh nghe nghe a, kum 3 em pawh daih loa kawng siam a ni chu he
kawng hmangtu mipuite tham lohna leh hmuhsitna a tih loh theih loh a ni, a ti.
Pu Lalrinzuala Chawngthu chuan, sorkar kum kal meka Mizoram budget Rs. vbc. 9672.64 a\anga NEDP hnuaiah Rs. vbc 100 leh State Road Fund atana Rs. vbc 50 dah chu hetiang kawng thawm that lehna tur a nih laia cheng khat mah he kawng siam nana hman tura ruahman ni ve lo chu a lungchhiatthlak hle a ni, a ti a. NABARD a\anga a pung sang taka sum puk hmanga he kawng siam, chhe lutuk chu a dem hle tih sawiin, mipui sum hetiang mai maia luangral uiawmzia hi contractor-te leh sorkar hian ngaihtuah se a duh tih a sawi.
