AVBD hian thuchhuah siamin Blood Bank a\anga thisen pek chhuah dan ruahmanna thar sorkarin a siam chungchangah thu lengvak tam tak awm karah Mizo mipuite chu chiai mai lo tur leh thisen pek kawngah pawh hnual phah nan hmang lo a, \hahnemngai taka thisen pe chhunzawm zel turin an ngen a; thisen mamawhtu damlote’n a hun taka thisen an dawn chu an pawl duh ber a ni tih an sawi. AVBD hian Blood bank a\anga thisen lak chhuah chungchangah a \ul angin Health Department hotute pawh dawr zel an tum tih an sawi a. Thisen pek chungchang chu thih leh dam kar thil a nih avangin damlote mamawhna hriaa sorkar pawhin mipui \hatna tur a ngaihtuah zel an beisei tih an sawi a, thisen mamawhtu damlote tana remchang leh \ha ber tura thil a kal zel an beisei tih an sawi.
Mizoram Sorkarin Health Care Scheme thar a kalpui \anah damlo enkawlna man chungchanga Mimal Damdawi In neitu \henkhat nen an innawr mek laiin blook bank a\anga thisen lak chhuah dan tur ruahmanna thar hi sorkarin a siam a, hei hi sorkar chuan mimal damdawi in te hrek tumna a ni lo tih a sawi thung.
Sorkarin ruahmanna thar a siam hma hi chuan thisen mamawhten blood bank ah dilna thlenin an la chhuak mai \hin a, tuna sorkar ruahmanna tharah chuan damdawiin thuneitu Medical Superintendent emaw, an hnuaia mi te emaw, pisa chawlhni ah chuan casualty-a duty doctor te emaw, on call-a duty doctor te emaw, quarters-a awm doctor senior ber te emaw hriatpuina lak hmasak a \ul tawh dawn a ni.
