Central YMA chuan Mizorama khaw hrang hrang hming phuah chhan te, pi leh pute hunlaia an khaw chhuak, mi hmingtha leh chhuanawm te YMA Branch hrang hrang an dil mek a, Central YMA hruaitute sawi danin hei hi khaw hrang hrang chanchin leh mi hmingtha leh chhuanawm te chanchin ziaka vawnthatna tur a ni. Hetihlai hian Mamit District-a Chhippui khua pawhin Central YMA duhdan angin an khaw chhuak, Mizo pasaltha hmingthang Khuangchera chanchin leh a thil tihte Central YMA Office-a thehluh atan an la khawm mek a, hemi chungchanga vawiina thuchhuah an siamah pasaltha Khuangchera’n savawm hliam puka luta a luhchilhna Aia puk, an khua atanga meter 810 vela hlaa awm, feet 35-a thuk, feet 10 vela zau niin an sawi a, he puk hi nikum khan an zawng chhuak tawh niin an sawi bawk.
