Vawiin khan Central YMA Executive Committee chu Octrober ni 17 atanga ni 19 thlenga Champhai Zotlang-a YMA General Conference neih tur thlirin Central YMA Committee room-ah an \hu khawm a, Conference programme duan chu siam \hat ngai laite siam \ha-in an pawm a. Central YMA hruaitu thar thlan tura rawtna l<tte en felin, an pawm leh pawm loh hriat nan ni 7 chhung hun pek an ni ang. Kumin hi inthlan kum a nih dawn avangin, Central YMA President kal chhuak tur, Pu Lalbiakzuala chu Returning Officer atan an ruat a. Asst. RO-ah Pu RL Rindika CEC member, Secretary-ah Pu VL Chhuanga CEC member leh Asst. Secretary-ah Pu Z. Dengthansanga te an ruat bawk. YMA General Conference-ah hian khuallian atan CM, Pu Lal Thanhawla chu an beisei bawk a ni. Central YMA \hu khawm hian chhiat tawk \anpuina atana vehbur an khawn leh hmun hrang hrang a\anga \anpuina lut, Rs.1,27,44,002 chu a hma thei ang bera sem ni se an ti bawk a ni. Vawiina YMA CEC \hu khawm hian Tuikuk-ten Supreme Court-a an khinnaa ukil rawihna tur leh \ul dangte an rel bakah, tun hnaia Mizo zirlaite leh Chakma inkara buaina awm chungchang pawh an ngaihtuah a, he thu buatsaih thleng hian an thutlukna hriat a la ni lo.
