Cyclone in a nuai nat lai hi Puri leh a chhehvel a ni a, kum 20 kalta chhunga thlipui tleh na ber a ni tih thuneitute chuan an sawi. Odisha sorkar chuan mi nuai 11 chuang hmun him zawkah a sawn tawh a, Puri bik a\ang hian mi nuai 1 sing 3 sawnchhuah an ni. Cyclone hian ruah a ken tel avangin Puri khaw chhungah tui a tling nasa hle a, dar 11 hnu lamah Andhra Pradesh leh West Bengal lam panin cyclone hi a tleh a, Andhra Pradesh-ah hian mi 20,000 vel Srikakulam-a inhum himna camp 126-ah sawn chhuah an ni a, ruah nasa taka sur telin thlipui hian thingkung leh electric ban te a chhem tlu a, mipuite chu fimkhur tura hriattir nan siren tih rik a ni.
West Bengal-ah chuan East leh West Medinipur, South leh North 24 Parganas, Howrah, Hooghly, Jhargram leh Kolkata te cyclone hian a nuai dawna rin a ni.
Bhubhaneshwar a\anga thlawhna thlawk chhuak tur zawng zawng pawh cancel a ni a, Kolkata \umhmun pawh tlai dar 3 a\anga zing dar 8 thleng khar a ni a, flight 200 chuang cancel a ni.
Prime Minister Narendra Modi chuan Cyclone in chhiatna a thlenna hmunah te \anpuina hmasa cheng vbc 1,000 pek chhuah nghal a ni tih a sawi.
