Live blog hi tihtâwp a ni tawh a, April ni 8 live blog en duh tan;
https://www.zonet.in/april08-covid-liveblog/
April ni 7, 2020 zan dar 6:00 thlenga Ministry of Health & Family Welfare chhinchhiah dan chu hetiang hi a ni;
Enkawl lâi – 4312 (punna – 461)
Enkawl dam tawh/damdawiin chhuahsan tawh – 352 (punna – 34)
Thi zât – 124 (punna – 13)
Hmun danga pêm/insawn – 1
(punna hi April ni 6 zan dar 6:00-a chhinchhiah zat nen khaikhin a ni)
11:59 PM
Delhi: Delhi hmarchhak lama Dilshad Garden bula veng 4 chu tlawh pawh theih lohin khar a ni a, heng veng 4 leh an chhehvêl kilometre 4 bial chu enthlak chhunzawm a ni a, he lai bawr vel aṭang hian report a tam tawh hle a ni
11:45 PM
Assam: Guwahati-a nurse thawk, Assam ṭhenawm state lam mi te chu chi inthliarna lam rawngkaia auh nawmnah leh kut hial thlak an nih vangin Police-in thubuai an ziak lut (PTI)
11:44 PM
Meghalaya-ah Covid-19 case a la awm loh avangin April ni 15 hnu lamah chuan lockdown thlah dul a nih ang a, sumdawnna leh nunphung erawh hawn vek emaw, zalen taka chhuah vek theih a ni lo ang: State sorkar
11:41 PM
Punjab-ah positive case 99 a awm tawh a, heng zinga 77 chu enkawl lai an ni a, 14 enkawl dam an ni tawh a, thi 8 an awm tawh
10:59 PM
Gujarat: Jamnagar-ah kum 1 leh thla 2-a upa Covid-19 vangin a thi
10:31 PM
Delhi-ah case thar 51 chhinchhiah a ni
10:16 PM
Tihar Jail-a tang mi 650 Emergency Parole-in chhuah an ni
10:09 PM
Madhya Pradesh-ah case 309 a awm tawh
10:07 PM
Andhra Pradesh-ah case thar 314 chhinchhiah a ni
9:50 PM
Rajasthan-ah case thar 15 chhinchhiah a ni
9:35 PM
MP-te hlawh za zela 30-a tihhniamna tur Gazette chhuah a ni, tihhniamna hi kum khat awh tur a ni ang
9:27 PM
Telangana-ah case 404 a awm tawh a, heng zinga 348 chu enkawl mek an ni a, Hyderabad bikah case 171 a awm tawh
9:25 PM
Assam-ah positive case 28 a awm mek
9:24 PM
Pakistan-a tânin chhungah tâng mi 50 velin Covid-19 an kâi
9:22 PM
Saudi Arabia-in chawlhkar lo awm chho turah hian case 200,000 velin an pung thei niin an hria (AFP)
9:21 PM
UK-ah ni khat chhungin mi 786 an thih belh
9:12 PM
Twitter-ah US President Donald Trump-a’n WHO na takin a dem a, US aṭanga sum tam tak dawn siin, China an duhsak hle niin a sawi a, China leh US inkar chungchanga an thurâwn a zawm duh lo chu ti fuh a in tih thu a sawi
9:11 PM
Noida Sector 8-a mi rethei zawkte chenna slum-ah rinhlelh kai mi 200 vel endik leh chhui chiang turin police leh health department hnathawkte tirh an ni
9:03 PM
Madhya Pradesh: Indore-ah vawiin khan case 22 chhinchhiah belh a ni a, case 173 a awm tawh a, thi 15 an awm tawh bawk a ni
9:01 PM
Haryana: Faridabad chhunga veng 13 chu hrilêng darh lohna atan tlawh pawh theih loha khar rih a ni
8:59 PM
Assam: Hailakandi-ah confirmed case pakhat a awm belh a, tunhnaia Saudi Arabia-a zin a ni a, state pumah confirmed case 28 a awm tawh: Assam Health Minister
8:57 PM
Assam: Dhubri District-ah positive case thar chhinchhiah a ni a, Nizamuddin Markaz punkhawmnaa tel ve a ni. State pumah hian case 27 a awm mek a ni
8:40 PM
Assam: CM, Minister leh MLA dangte thla khat hlawh za zelah 30-in tih tlem a ni
8:37 PM
Delhi AIIMS damdawiinah Coronavirus hrik that thei damdawi hlo hmanga intihfaina pindan siam a ni
8:34 PM
Delhi: Covid-19 kâi enkawltu doctor zingah nunna chân an awm chuan cheng vbc 1 zângnadawmna pek Delhi sorkarin a tiam
8:07 PM
Jharkhand: Test 1111 neih a ni tawh a, result 4 a positive tawh a, result 150 ngaihchan mek a ni
7:37 PM
Gujarat-ah mi pakhat a thih belh a, vawiinah mi 3 an thi tawh a, case thar 10 a awm tawh bawk
7:34 PM
Maharashtra-ah Covid-19 1000 chuang a awm tawh
7:11 PM
Tamil Nadu-ah doctor pathum an positive belh a, an vai hian hmun pakhat aṭanga kai an ni: State Health Secretary, Beela Rajesh=
7:08 PM
Mamata Banerjee-in Covid-19 chungchanga an state sorkar puitu tur, Global Advisory Board a siam a
6:55 PM
Maharashtra-ah lockdown laia thudik lo thehdarh vangin thubuai 113 ziah luh a ni tawh: Maharashtra Cyber department
6:51 PM
Indian Railway Catering and Tourism Corporation-in an rêl zawng zawng tun thla chhung chu a tlan tir dawn lo
6:48 PM
Rajasthan larsap Kalraj Mishra-a’n a thla khat hlawh za zela 30 state sorkar-ah a pe
6:45 PM
Japan State Emergency-in thla khat a awh ang, Japan sorkar thuchhuak hi tihluihna ni lovin, ngenna a ni a, mahni ina tawmim lo an awm a nih pawhin hrem an ni lo ang
6:36 PM
ICU-a enkawl mek, UK PM Boris Johnson dinhmun a ngaihtuahawm lo a, ventilator hman ngaiin a la awm lo
6:22 PM
Delhi Cancer Institute-a thawk pakhat a positive avangin OPD khar a ni
6:11 PM
Darkar 24 chhungin Bangladesh-ah mi 5 an thih belh
5:59 PM
Covid-19 beihletna kal zelah sorkar laipuiin online-a damlo enkawl thei tur training pek dan tur a ruahman
5:47 PM
Uttar Pradesh: King George’s Medical University (KGMU)-a enkawl lai mi 3 an dam a, damdawiin atangin an chhuak
5:43 PM
Dehradun Municipal Corporation-in cheng nuai 51 CM Relief Fund-ah a pe
5:34 PM
India-in HCQ (Hydroxychloroquine) ram pawna hralh tura inremna lo nei tawhte hnenah hralh a remti. Puan tawh angin HCQ leh damdawi chi dang reng reng ram pawn lama hralh khap a lo ni tawh a, vawiin chawhma lam khan damdawi chi hrang hrang 24 chu hralh chhunzawm phal a lo ni tawh a ni
5:32 PM
Iran-ah Covid-19 vanga thi mi 133 an awm belh a, ram pumah hian mi 3872 an thi tawh a ni
5:31 PM
UK Minister, Michael Gove chu a chhungte zingah Covid-19 kâi an awm avangin khunghran a ni
5:25 PM
Covid-19 chungchang PM Modi leh Sweden PM Stefan Lofven te’n an sawi dun
5:23 PM
Sri Lanka-in damdawi a mamawh ṭhenkhat India aṭanga chawk luh a tum chu vawiin khan sorkar laipuiin a thlawnin a pe
5:19 PM
Nizamuddin Markaz aṭanga lak chhuah tâk Tablighi Jamaat member 1950 awmna chin leh an biak pawh theihna police kutah sorkarin a pe a, March ni 25 hmaa an zin veivahna zawng zawng chhui chhuah tum a ni
5:11 PM
Punjab: Tablighi Jamaat member la chhui chhuah loh te darkar 24 chhungin thuneitute hnena inhriattir turin State Health Department-in a ti a, a zâwm lo chu thubuai siam sak an ni ang a ti
5:04 PM
Jammu: Pawl khat leh pawl 9 inkar zirlai zawng zawng pawl kai tir an ni ang
5:03 PM
Kolkata: Thutluknaah lungawi loh avangin ukil pakhatin coronavirus kâi se a tih thu sawiin Calcutta High Court judge ânchhia a lawh a, a lakah court zah loh thubuai siam roreltu hian a rawt
4:56 PM
Gautam Budh Nagar-ah Covid-19 kai pahnih enkawl dam an ni
4:51 PM
Tablighi Jamaat zinga March ni 1 hnulama Delhi lut zawng zawng an awmna chin thuneitute hnena hriattir turin Delhi Police-te’n an ti a, hei hi zâwm lo an awm a nih chuan thudik thup tuma puha thubuai siam sak theih an ni ang a ti bawk
4:40 PM
Uttar Pradesh-a Covid-19 case 314 zinga 166 chu Tablighi Jammat nen inzawmna nei a ni
4:34 PM
Uttar Pradesh: Noida bawrhsapin mimal ta hospital 4 sorkar kuta pe turin a enkawltute a hriattir
4:20 PM
Delhi, Mumbai, Bhilwada leh Agra khawpuia hman tur bik hri darh zel tur venna ruahmanna siam a ni: Health ministry
4:17 PM
Test 1,07,006 neih a ni tawh: ICMR
4:08 PM
Health Ministry-in Covid-19 case enkawlna tur chi thum a ruahman thu a puang a; 1-na chu Covid Care Centre a ni a, hei hi sak chawp damdawiin ang chi ho hi a ni a, hetah hian rinhlelh kai leh natna nasa lote enkawlna atan a ni a, 2-na chu Dedicated Covid Health Centre a ni leh a, hei hi damdawiin chhunga huang khat (block) emaw, tepên emaw, luh leh chhuahna hrang nei thlap tura tih a ni thung a, hetah hian damlo pangngai enkawl an ni ang a, a 3-na chu Dedicated Covid Hospital a ni ve leh a, hetah hi chuan na lutuk leh dinhmun ngaihtuahawm te enkawl an ni thung ang
4:04 PM
Darkar 24 chhungin ram pumah case thar 354 chhinchhiah a ni a, case awm tawh zawng zawng zat chu 4400 a ni
3:52 PM
Indian Railways-in ventilator man tlawm taka siam theih “Jeevan” tia a hming an vuah chu a enchhin
3:15 PM
Spain-ah Covid-19 vanga thi zat an pung leh hret a, mi 743 thi chhinchhiah an ni tawh a, heti hian Spain-a Covid-19 vanga thi tawh zat chu 13,798 a ni
3:00 PM
Ministry of External Affairs (MEA) thupuangtu, Anurag Srivastava-a’n ram pawna damdawi thawn chhuah khap a nih chhan chu ramchhunga mamawh phuhruk phawt a ngaih vang a nih thu leh hemi hnu lamah chuan a mamawh apiang ram hnenah Hydroxychloroquine tiamin damdawi hralh theih a nih tur thu leh ram leh ram inkar politics thila kaih luh a ngaih loh thu a sawi. Hei hi Trump-a’n US-in damdawi chawk luh a tum India-in a chhuah vat a ngai tia a sawi chhânna a ni
2:50 PM
China-in vawiinah Covid-19 vanga thi a la nei lo
2:38 PM
Goa: Test thar 17 an negative
2:30 PM
Japan-in Coronavirus vangin ram pumah Emergency a puang a, ram sum dinhmun tlachhe tur venna (stimulus package) atan sum ṭhahnem tak, US Dollar vaibelchhe nuai khat tling lo deuh a ruahman nghal
2:29 PM
Sonia Gandhi-in PM Modi hnenah coronavirus beihna kal zel atana a ruahmanna te ziakin a thawn – a rawtna zingah hian TV, Chanchinbu leh Online thil reng renga Sorkar leh PSU lamin fakna lam hawi an chhuah reng reng kum hnih chhung tihtawp rih a, Covid-19 leh a kaihhnawih, hriselna uluk zawk tura inzirtirna te, cheng vbc 20,000 senna tur, khawpui hmun hrang hrang cheina atana ruahman, Central Vista tihtawp rih te, sorkar laipui hnuaia scheme hrang hrang leh hlawh leh pension tihhniam rih te, ram hruaitute ram pawn lama zin rih loh te, PM-CARES Fund-a sum awm zawng zawng PM Natioan Relief Fund (PMNRF)-a chhun luh te a tel a ni
2:03 PM
Indian Railways-in Jagadhari-ah PPE kit a siam ṭan dawn: Railways Ministry
1:59 PM
Russia-ah ni khat chhungin case thar 1000 a awm belh
1:58 PM
Thu dik lo darh nasa ṭhin venna atan WhatsApp-in ṭum khata message thawn chhawn (forward) theih zat a khuahkhirh dawn a, ṭum khatah mi pakhat hnenah chauh a thawn chhawn (forward) theih ang
1:25 PM
Lockdown chhuahsan dan turah thutlukna siam a la ni lo a, thutlukna siam turin a la hma deuh: Union Minister Narendra Singh Tomar
1:05 PM
Delhi CM-in media mite a kawm a, T panga; Test, trace (chhui), treat (enkawl), teamwork (thawhho), track (en zui) chu coronavirus beihnaa an thupui thar a nih thu a sawi
12:58 PM
Mumbai: Quarantine bawhchhia Tablighi Jamaat member mi 150 lakah thubuai siam sak an ni
12:49 PM
Bhubaneswar: Intelligence Bureau hnathawk pakhat a positive avangin hnathawk dang zawng zawng in lama inkhung hrang rih tura tih an ni
12:40 PM
UK PM Boris Johnson-a’n ventilator hman a la mamawh lo a, oxygen erawh pek a ni: Cabinet Office Minister Michael Gove
12:38 PM
Andhra Prdaesh: Kum 4 leka upa naupang pakhatin a pawisa khâwl cheng 971 CM Relief Fund-ah a pe
12:28 PM
Congress hruaitu Rahul Gandhi-a’n India a vauna chu ṭhianṭha tih turah a ngaih loh thu leh tun dinhmuna chuan India pawhin hydroxychloroquine hi a mamawh ve tho avangin ngaih pawimawh hmasak tur a ni a ti
12:25 PM
US President Donald Trump-a’n India aṭanga malaria enkawlna damdawi, Hydroxychloroquine an chah an dawn vat loh chuan a rul tawka chhân letah a vau
12:07 PM
J&K: Test laboratory 4 an awm mek a, Rapid test kalpui thuai tum a ni
11:48 AM
Vawiin tlai lam hian Japan-in State Emergency a puan rin a ni
11:47 AM
Bhopal-ah case thar 12 a awm
11:42 AM
Germany: Confirmed cases 99,225 a awm tawh a, thi 1607 an awm tawh
11:39 AM
Dubai-in sumdawnna hmun ni 18 thleng a khar chhunzawm dawn
11:21 AM
Kerala-ah Covid-19 kai rinhlehte sample lak zung zung theihna hmun Walk-in Sample Kiosk, (WISK) bun ṭan a ni a, WISK hian PCR test leh Rapid test a ti thei a ni
10:47 AM
Kerala aṭanga a zin haw hnu ni 20-ah Delhi zirlai pakhat test-ah a positive a, natna lang chhuak si lovin a awm reng a ni
10:10 AM
Himachal Pradesh-ah mi 4 an positive belh, state pumah 19 an awm tawh
10:00 AM
Mumbai Dharavi-ah mi 2 an positive belh
09:52 AM
Darkar 24 chhungin ramchhungah case thar 350 a awm a, mi 5 an thi
09:34 AM
Delhi sorkarin hapta khat chhungin thlan bik awm lo (random)-in mi nuai 1 test a tum a, hei hi sorkar laipui inkaihhruainain Covid-19 test ngai a tihin a huam ve loh te an ni a, Coronavirus darh tamna hmuna ngaiha awm te test an ni ang
09:12 AM
Mumbai-ah veng hrang hrang tlawh pawh theih loha khar a ni
08:54 AM
Ningani hian Coronavirus hrilêng chungchang sawiho turin UN Security Council an ṭhukhawm dawn
08:51 AM
US-ah mi 10,000 chuang an thi tawh a, thi zat an pun tam chhoh zel rih rin a ni
08:37 AM
India-in ram pawn lama damdawi thawn chhuah a khap chu damdawi chi hrang 24 atan thlah dul a ni
08:30 AM
Ram pumah Covid-19 vanga thi 111 an awm tawh a, case 4281 a awm tawh
08:28 AM
British PM Boris Johnson chu ICU-ah dah luh a ni, thawk lamah harsatna a nei deuh a, ICU-a a luh hma hian oxygen pawh pek a lo ni tawh a, ventilator hman a ngaih thut takin tih thuah ICU-ah hian an dah a ni
