Covid 19 vei an awm thulha ZMC a enkawlna hmun tur buatsaih chu health Minister Dr. R. Lalthangliana’n a enfiah a, Covid 19 rinhlelh dah hranna tur te, khawl bunna tur hmunhma te, \ul bika Helicopter hman a ngaih pawha a tumna tur te, ICU, MRI room leh CT scan te a enfiah.

ZMC-ah hian Covid 19 vei awm thulah a enkawlna hmun tur DRTB Isolation ward- khum 30 awmna ruahman a ni a, dam tawh si, In lama haw la phal si lohte tan khum 7 ruahman a ni a, Room-te pawh natna hrik a chhuah lohna tura thuam a ni a, Doctor leh Nurse te, damlote luhna leh chhuahna tur a hran veka siam a ni. ICU ah hian khum 7 hman theihin a awm a ni.

Nimina ZMC tlawhtu Dr.Thangtea hian, khawvel ti ralkheltu Covid 19 lakah ralkhel dar vuak a ni tawh tih a sawi a, Pathianni pawh sawi thei lovin hmalak chhunzawm a \ul ta a ni a ti a, Mizoram chu hripui tawng thei reng dinhmunaha awm avangin thil \ul leh mamawh awm ang angte buatsawih lawk a ngaih thu sawin Covid 19 laka Mizoram a him theihna turin NGO , Kohhran hrang hrang leh sorkar thawhhona tha a awm chu lawmawm a tih thu a sawi.