Horticulture Department hotute hnen a\anga Zonet thudawn danin, thlai thar leina bakah hian sum senralna dang a awm nual a, phai a\anga thlai lakluhna cheng nuai 9, sing 8 sang 9 leh 352 nen, thlai thar lei nana sum hman ral tawh zawng zawng chu cheng nuai 107 zing 2 sang 8 leh 345 a ni a, thlai thar hralhna a\anga sum hmuh tawh zat chu cheng nuai 100 sing 6 sang 3 leh 977 a ni a, tunah hian thlai thar cheng nuai 1 sing 4 sang 3 leh 50 man hu vel an kawl mek a, thlai thar buaipuina atanga an sum hloh tur hi cheng nuai 6 leh sing 6 chuang a ni.
Horticulture Department hotute chuan a tirah khan thlai hi kuthnathawktute hnen a\anga a hlawma lak a nih avangin a chhia leh hralh bang a awm nual a, sum hloh hi tam phah a ni an ti a, mumal zawka thil kalpui a nih tawh bakah Sairanga Cold Storage chu a taka hman \angkai a nih tawh avangin sum hloh hi a awm meuh tawh lo niin an sawi.
