MNF Legislature Party Secretary, Pu Lalruatkima hnen a\anga Zonet thudawn danin naktuka Council of Ministers \hutkhawmnaah hian inkharkhip chhunzawm zel tur a ni em tih leh, engtianga kalpui tur nge tih ngaihtuah a ni dawn a, Mizoram sorkar hmalak mek dan leh a inbuatsaih dan thlirin, mipui kharkhipna thupek hi kalpui chhunzawm a nih hmel a, thlahdul hret a nih rin a ni.
Mizorama Doctor rualte chuan inkharkhip kalpui chungchanga an ngaihdan leh rawtna chu Nilaini khan sorkarah an lo thlen tawh a, inkharkhip hi May thla tawp thleng chhunzawm an rawt a, zan dar 7 atanga zing 5 thleng Curfew puan ni se, vantlang hmun pawimawh leh sorkar pisa luhnaah kutsilna awm thei se, pawna chhuakten hmai tuamna hmang vek se, chil chhak khapna pawh khauh lehzuala kenkawh ni se, mipui punkhawmna lam chi reng reng tih rih loh ni se, khung hran tur reng reng chu inkaihhruaina dan awm sa anga Covid Screening test neih vek ni se tihte Doctor rualte hian an rawt.
Veng thenkhat Local Task Force Duty-te chuan inkharkhip chhunzawm rawtna chu huphurhawm viau angin lang mah se, mipui himna tur nia a lan avangin an thlawp theih thu an sawi. Hetihrual hian mipuiten harsatna an tawh loh nan ruahmanna tha zawk awm thei se an duh thu an sawi.
