Khaw thlang lam fanga zin chhuakte hi Dr. C. Lalhrekima, Dr. Lalrinawma Hnamte leh Dr. Joseph Lalhmingliana te an ni a, Rawpuichhip, Dapchhuah, Dampui, Mamit, Darlak, Tuidam, Kawrthah, Rengdil, Zamuang, Zawlnuam, Zawlpui, Bung\huam leh Kanhmun te an tlawh a, khaw hrang hranga damdawiin te leh Village Level Local Task Force te kawmin an harsatna sutkian dan tur an sawipui a, hri leng laka an him theihna turin mipuite zirtirna an pe nghal zel a ni.
Indian Medical Association-in hmaituamna leh sahbawn thawh te, RIPANS-in kut tih thianghlimna, hand sanitizer an thawhte chu heng khuaahte hian an sem zel. Mission Veng Badminton Club-in Kanhmun Task Force tana sum an thawhkhawm Rs.10,000/- chu Kanhmun VCP leh YMA President te kutah an hlan nghal a ni.
