Covid 19 Medical Operational Team chu an Chairman Dr ZR Thiamsanga hovin ramri hnaih khuate tlawh chhuak turin an feh chhuak \an a. Vawiin khan Kawlkulh PHC tlawhin, PHC Medical Officer leh Village Level Task Force te an kawm.

Dr ZR Thiamsanga hian sorkar hmalakna leh mipuite thuawihna zarah Covid 19 hrileng chuan zual lam pan lovin, tun dinhmunah Mizoramah a kai hmuh chhuah belh an la awm lo tih a sawi. Covid 19 Medical Operational Team te hi team pali ah inthenin, hmun hrang hrang an tlawh dawn a, Chairman ho hian Champhai, Hnahlan leh Zokhawthar te an tlawh ang.