Vawiina press statement a siamah Dr ZR Thiamsanga hian India ramah Covid 19 kai an awm takah khan PPE inchuhna a nasa hle a, Mizoram Sawrkar pawhin a hnathawktute an him theih nan rang takin hma ala nghal a ni a ti a, PPE hmuh theih dan kawng hi dapin Delhi leh Guwahati Mizoram House a hnathawkten theihtawp chhuaha an zawn hnuin engemaw zat kan hmu thei hram a. Mizoram atanga mahni ngei zuk kal a, enfiaha, duh thlang thei pawh kan ni lo a ni a ti.
Dr ZR Thiamsanga hian hmuh chhun, a awm ang ang chu harsa takin chan loh hlauin hmanhmawh taka lak khawm a ni ta tih a sawi a. Mizoram thlenpui a hman hmawhthlak avangin Chief Minister Pu Zoramthanga hma laknain Central Home Ministry leh Civil Aviation Ministry te dawr a ni a, harsa tak chungin thlawhna hmanga phurh a ni ta a ni a ti a, mamawhna a san avangain a \ha leh \ha lo pawh thliar theih a ni lo a, duhthusam tlinglo te pawh a lo tel nual a ni a ti.
A him tha tura ngaih ho chu damlo enkawltute ber hman tur atan dah a ni tih Dr ZR Thiamsanga hian a sawi a, duhthu sam lo deuhte chu mithiamte nena en ho a, in rawn chungin a ha tu turte him theih dan tur berin \huam that mek zel a ni a ti.
