Covid-19 leng mekin rampum-ah harsatna nasa tak a thlen mek avangin, income tax return file theih hun tawp chu March ni 31 a\angin June ni 30 ah sawn hlat a ni.

Chhiah pek tlai vanga a punna, interest zaa 12-a ni \hin pawh zaa 9 ah tih hniam a ni tih Finance Minister Nirmala Sitharamani’n a puang a, PAN card leh biometric ID Aadhaar thlun zawm theih hun pawh March ni 31 a\angin June ni 30 ah sawn hlat a ni.

Rampumah inkharkhipna kalpu a nih avangin sum leh pai dinhmuna mipuite tawrhna thleng turah sorkar a inbuatsaih tih Finance Minister hian a sawi a, ruahmanna kimchang puanzar thuai a ni ang a ti.